कोशी प्रदेशमा जुट्यो सहमति, सभामुखबाट राजीनामा दिएका गौतम अर्थमन्त्री

२०८० श्रावण १७, बुधबार १६:०३:००

शेयर गर्नुहोस :

काठमाडौं : कोशी प्रदेशमा मन्त्रालयको भागबन्डाबारे सहमति सत्तागठबन्धनबीचमा सहमति जुटेको छ । काङ्ग्रेस र माओवादीभित्रको विवादले मन्त्री चयनमा ढिलाइ भएको थियो । पहिलो चरणमा मुख्यमन्त्रीसहित चार जनाले शपथ ग्रहण गर्ने र विश्वासको मत लिएपछि सरकार विस्तार गर्ने सहमति जुटेको हो ।

सभामुखबाट मंगलबार राजीनामा दिएका गौतमलाई आर्थिक मामिला तथा योजना मन्त्रालय, जवेगुलाई भौतिक पूर्वाधार मन्त्रालय र सुनुवारलाई पर्यटन मन्त्रालयको जिम्मेवारी दिने सहमति भएको माओवादी केन्द्र संसदीय दलका नेता इन्द्रबहादुर आङ्बोले बताए ।

प्रदेश प्रमुख पर्शुराम खापुङले संविधानको १६८ को उपधारा २ अनुसार कांग्रेस, माओवादी केन्द्र, नेकपा एस र जसपाको समर्थन पाएका थापालाई मंगलबार मुख्यमन्त्री नियुक्त गरेका थिए ।