काठमाडौँ: युएनएफपीए, संयुक्त राष्ट्रसंघको यौन तथा प्रजनन् स्वास्थ्य सम्बन्धि संस्था, तथा मनकामना दर्शन प्रा. लि. ले लैङ्गिक हिंसा सम्बन्धी सचेतना अभिबृद्दि र सरकारी नीजि साझेदारी मार्फत समुदायको सुदृढिकरणका लागि सहयोग सम्झौता गरेका छन् । लैङ्गिक हिंसा रोकथाम तथा प्रतिकार्यमा टेवा दिन पर्यटन क्षेत्रको एक अग्रणि संस्था मार्फत लैङ्गिक हिंसा रोकथाम तथा प्रतिकार्य सम्बन्धी सूचना सामग्री, क्षमता तथा रोजगार सहयोगको क्षेत्रमा काम गर्ने सम्झौता उल्लेख गरिएको छ। काठमाडौँमा जेठ ६, २०८२ मा गरिएको सम्झौतामा, युएनएफपीएको तर्फबाट योन योङ हङ्ग र मनकामना दर्शन प्रा। लिका तर्फबाट यसु श्रेष्ठले हस्ताक्षर गरेका छन् ।

यस साझेदारी मार्फत दुबै पक्षले आगामि दुई बर्ष सम्म पैरवि र क्षमता अभिबृद्दिका क्षेत्रमा सहकार्य गर्दै महिला तथा किशोरीलाई सूचना प्रदान गर्ने र हिंसा प्रभावितका लागि पुनर्स्थापनका निम्ति अवसरहरू प्रदान गर्दै सुरक्षित र समाबेशि वातावरण निर्माण गर्ने उद्देश्य राखिएको छ। मनकामना दर्शन प्रा। लि ले लैङ्गिक हिंसा सम्बन्धी सचेतना अभिबृद्दिका लागि बिभिन्न स्थानमा जस्तै टिकट काट्ने स्थानहरूमा पोष्टर, पम्पलेट मार्फत सूचना सम्प्रेष्ण गरिने छ। 

यस्ता सूचना मार्फत आगन्तुकले हिंसा भएका खण्डमा कहाँ जानकारी प्राप्त गर्ने, कस्ता सेवा उपलब्ध हुन्छन, हिंसा भोगेका व्यक्तिका अधिकारका बारेमा जानकारी प्राप्त गर्ने छन भने सबै पहुँचका लागि यस्ता सूचना लाई श्रब्यदृष्य सामग्री मार्फत सम्प्रेषण गरिने छ। सचेतना र क्षमता अभिबृद्दिका बाहेक यस साझेदारी मार्फत हिंसा प्रभावितका लागि आय आर्जनको अवसर प्रदान गर्दै जिबनोपार्जनका सहयोग र समाजमा पुनस्थापनाका लागि स्थानीय श्रम र अन्य ब्यापारिक संस्थासँग जोड्ने उद्देश्य राखिएको छ।   

हस्ताक्षर समारोहमा बोल्दै युएनएफपीएकी प्रतिनिधि, योङ हौंगले, युएनएफपीएले राखेको लक्ष्य प्राप्त गर्न नीजि क्षेत्रको भूमिका बारेमा थप प्रकाश पार्दै भन्नु भयो ( जब नीजि क्षेत्र सामाजिक मर्यादा, समानता र सुरक्षाका सबालहरूसँग एकाकार हुन्छन, उनिहरू परिवर्तनका सशक्त सम्बाहक बन्दछन्।” मनकामना दर्शन प्रा। लि। का यसु श्रेष्ठले लैङ्गिक समानता र सामाजिक उत्तरदायित्व प्रति संस्थागत प्रतिबद्दता जाहेर गर्दै युएनएफपीए संग को साझेदारीमा महिला, किशोरी का लागि सुरक्षित वातावरण का लागि काम गर्नु आफूहरुका लागि गौरवको बिषय रहेको प्रष्ट्याुनु भएको छ। संयुक्त राष्ट्रको रुपन्तराणकारी एजेन्डा र लैंगिक हिंसा रोकथामका लागि राष्ट्रिय लक्ष्यहरू हासिल गर्न यस सहकार्य नीजि क्षेत्रको सामाजिक उत्तरदायित्वको एक नविन ढाँचा रहेको छ ।